Самарқанд вилояти Самарқанд шаҳар Бош имом-хатиблиги w w w . s a v a d - u l - a z a m . u z

Фиқҳ

Таҳоратнинг суннатлари

 
 

2- дарс

Таҳоратнинг суннатлари

1. Таҳоратни «Бисмиллаҳ...» билан бошлаш;
2. Таҳорат қилишга ёки ҳадасни ўзидан кетказишга ният қилиш;
(Изоҳ: Ниятнинг ўрни қалбдир, уламолар қалбни уйғотиш учун нутқ қилиш маҳбуб, дейишган. Бу сўзни Ҳужжатул Ислом Имом Ғаззолий “Иҳё улумид-дин” китобида, ният бобида келтирган).

3. Таҳоратни бошлашдан аввал икки қўлни бўғинигача уч марта ювиб олмоқ;
4. Таҳоратни мисвок ишлатиш билан бошламоқ;
5. Сув билан оғизни ғарғара қилмоқ; (Буни мазмаза деб ҳам юритилади).
6. Бурнига ҳам уч марта сув олиб қоқмоқ; (Буни истинсор деб ҳам юритилади).
7. Оғиз билан бурунга сувни яхшилаб, ҳатто мия ачишгунча олиш ҳам суннатдир;
Лекин рўзадор одамнинг рўзаси очилиш эҳтимоли борлиги учун бурунга мия ачишгунча ва оғизга ҳам тамоқдан ўтай, дегунча сув олиш макруҳ ҳисобланади.
8. Ювишлик талаб қилинган ҳар бир аъзони уч мартадан ювмоқ;
9. Соқол қалин ва юзни беркитадиган даражада бўлса, пастидан юқорига ҳилол қилиш ҳам суннатдир. Бу юзни уч бор ювгандан сўнг бажарилади. Аммо соқол сийрак ва юзни беркитмайдиган бўлса, унда сувни соқолнинг остига етказиш вожиб бўлади.
10. Қўл ва оёқ бармоқлари орасига ҳилол қилмоқ;
11. Бошнинг ҳаммасига масҳ тортмоқ;
12. Икки қулоққа ҳам бошга масҳ торгандаги нам қўл билан масҳ тортмоқ;
13. Ювиш талаб қилинган ўринларни сув билан ишқаламоқ;
14. Таҳоратнинг орасига бошқа иш аралаштирмасдан пайдар-пай бажармоқ;
Бунда бир аъзо қуриб қолмасдан иккинчисини ювилади.
15. Ояти каримадаги тартиб каби таҳорат қилиш, яъни, қўлдан олдин юзни, бошга масҳ тортишдан олдин қўлни, оёқни ювишдан олдин бошга масҳ тортишни бажармоқ ҳам суннатдир;
16. Қўл ва оёқларни ўнгидан бошлаб ювмоқ;
17. Бўйинга масҳ тортмоқлик ҳам суннатдир. Халқумга масҳ тортишлик суннат эмас, балки бидъатдир.


Киритилган вақти: 09/02/2021 17:04;   Кўрилганлиги: 97
 
Материал манзили: https://www.savad-ul-azam.uz/islam/fiqh/tahoratning-sunnatlari
Чоп этилган вақт: 30/11/2021 04:33